ലംബോദരം വിശാലാക്ഷം വന്ദേഹം ഗണനായകം.
മൌഞ്ജീകൃഷ്ണാജിനധരം നാഗയജ്ഞോപവീതിനം
ബാലേന്ദുവിലസന്മൌലിം വന്ദേഹം ഗണനായകം.
അംബികാഹൃദയാനന്ദം മാതൃഭി: പരിപാലിതം
ഭക്തപ്രിയം മദോന്മത്തം വന്ദേഹം ഗണനായകം.
ചിത്രരത്നവിചിത്രാംഗം ചിത്രമാലാവിഭൂഷിതം
ചിത്രരൂപധരം ദേവം വന്ദേഹം ഗണനായകം.
ഗജവക്ത്രം സുരശ്രേഷ്ഠം കര്ണ്ണചാമരഭൂഷിതം
പാശാങ്കുശധരം ദേവം വന്ദേഹം ഗണനായകം.
മൂഷികോത്തമമാരുഹ്യ ദേവാസുരമഹാഹവേ
യോദ്ധുകാമം മഹാവീര്യം വന്ദേഹം ഗണനായകം.
യക്ഷകിന്നരഗന്ധര്വ്വസിദ്ധവിദ്യാധരൈസ്സദാ
സ്തൂയമാനം മഹാത്മാനം വന്ദേഹം ഗണനായകം.
സര്വ്വവിഘ്നഹരം ദേവം സര്വ്വവിഘ്നവിവര്ജ്ജിതം
സര്വ്വസിദ്ധിപ്രദാതാരം വന്ദേഹം ഗണനായകം.
ഗണാഷ്ടകമിദം പുണ്യം ഭക്തിതോ യ: പഠേന്നര:
വിമുക്ത: സര്വ്വപാപേഭ്യോ രുദ്രലോകം സ ഗച്ഛതി.
No comments:
Post a Comment